كيفاش كنخدمو؟ 📦

فـ AgadirGros كنستعملو نظام الدفعات باش نقدروا نقدمو ثمن قريب من الجملة حتى للزبون اللي محتاج غير قطعة وحدة.

🛒 كتختار الكمية اللي محتاج، كتأكد الحجز بالأداء، ومن بعد اكتمال الدفعة كنبدأو عملية الشحن.

1️⃣ اختار العرض

شوف العرض الحالي، الثمن، عدد القطع فالدفعة والكمية اللي مازالت متوفرة.

2️⃣ احجز الكمية اللي محتاج

تقدر تحجز قطعة وحدة أو أكثر حسب الكمية المتوفرة. بعد إنشاء الطلب، الكمية كتتحجز ليك مؤقتاً لمدة ساعتين.

3️⃣ أكد الحجز بالأداء

الأداء كيكون مسبقاً. من بعد التحويل، كتدخل لصفحة تتبع الطلب وكتبعث إثبات التحويل قبل انتهاء مدة الحجز.

4️⃣ كنراجعو الأداء

منين يوصلنا إثبات التحويل كنراجعوه. الكمية ما كتتحسبش كمباعة حتى يتم التأكد من وصول الأداء.

5️⃣ كنستناو اكتمال الدفعة

الطلبات المؤداة كتتجمع حتى يتباع العدد المحدد فالعرض. وتقدر تتابع تقدم الدفعة مباشرة فالموقع.

6️⃣ كنبدأو الشحن 🚚

من بعد اكتمال الدفعة كنبدأو تجهيز وشحن الطلبات للزبناء. مصاريف التوصيل كتكون على المشتري.

⚠️ مهم قبل الطلب:
AgadirGros خدام بنظام الدفعات، وبالتالي الأداء المسبق ما كيعنيش أن الشحنة غادي تخرج مباشرة. الشحن كيبدأ من بعد اكتمال الدفعة حسب شروط العرض.